Բիենալեի մասնակիցները կմշակեն Արցախի բրենդը

Վաղը կմեկնարկի Երեւանի միջազգային կոմունիկացիաների բիենալեն: 

Բիենալեի մանրամասներն այսօր կայացած ասուլիսում ներկայացրել են Երեւանի միջազգային կոմունիկացիոն բիենալեի նախագահ Արմեն Մարտիրոսյանը, Prime Commercial ընկերության տնօրեն Սամվել Սահակյանը եւ IP Marketing ընկերության տնօրեն Արսեն Սուլթանյանը:

Նրանք ներկայացրել են բիենալեի անվանակարգերը.

- Հեռուստատեսային եւ վիդեո գովազդ;
- Տպագիր եւ արտաքին գովազդ;
- Թվային եւ նոր մեդիա;
- Ռադիո գովազդ;
- Գրաֆիկական դիզայն;
- Մարկեթինգային արշավներ
- PR արշավներ;
- Գիրք;
- Սոցիալական գովազդ:

Բիենալեին մասնակցելու են Ուկրաինայի, Բելառուսի, Ռուսաստանի, Լատվիայի, Լիտվայի, Էստոնիայի, Մոլդովայի, Ղազախստանի, Ուզբեկստանի, Վրաստանի, Իրանի, ԱՄԷ-ի, Լիբանանի, Թուրքիայի ներկայացուցիչները:

Ասուլիսի մասնակիցները նշել են, որ բիենալեի կարեւոր մաս են կազմելու վարպետության դասերը, որոնք կանցկացվեն հոկտեմբերի 16-ին, 17-ին եւ 18-ին Հայ-Ռուսական (Սլավոնական) Համալսարանի նիստերի դահլիճում:

Արմեն Մարտիրոսյանը տեղեկացրել է, որ բիենալեի օտարերկրյա մասնագետները կմեկնեն Արցախ եւ կփորձեն համատեղ ուժերով ստեղծել Արցախի բրենդը: 

Երեւանի միջազգային կոմունիկացիաների բիենալեի կայքն է www.festival.am: