Հայտնի է «Պոպոք» բիենալեին մասնակցության գինը

Հոկտեմբերի 16-ին մեկնարկող «Պոպոք» հաղորդակցության միջազգային բիենալեն ներկայացրել է մասնակիցների հավատարմագրման փաթեթները:

Հավատարմագրման ամբողջական փաթեթը հնարավորություն է տալիս ներկա գտնվելու բոլոր վարպետության դասերին եւ ցուցադրություններին, բացման եւ փակման հանդիսավոր արարողություններին, երեկոյան միջոցառումներին, ինչպես նաեւ դեպի Հայաստանի գեղատեսիլ վայրերը կազմակերպվող էքսկուրսիաներին: Փաթեթի արժեքը կազմում է 79.000 դրամ:

Փառատոնն առաջարկում է նաեւ հավատարմագրման ոչ ամբողջական փաթեթ, որը հնարավորություն է տալիս մասնակցելու բոլոր վարպետության դասերին եւ ցուցադրություններին, ինչպես նաեւ բացման եւ փակման հանդիսավոր արարողություններին: Ոչ ամբողջական փաթեթի արժեքը 39.000 դրամ է:

Վարպետության դասերի տոմսերը կվաճառվեն նաեւ փաթեթներից անկախ: Մեկ վարպետության դասին մասնակցելու արժեքը կլինի 3.500 դրամ, իսկ բիենալեի 1 օրվա ընթացքում բոլոր վարպետության դասերին մասնակցության գինը կկազմի 10.000 դրամ:

Նույն կազմակերպությունից մեկից ավել հավատարմագրվող մասնակիցների եւ ուսանողների համար կգործեն զեղչեր:

«Պոպոք»-ը կտեւի երկու օրը, որի ընթացքում բիենալեին կհյուրընկալվեն մասնակցիներ աշխարհի ավելի քան 30 երկրներից: