LIME միջազգային փառատոնին Հայաստանից կներկայացվի 5 աշխատանք

2015թ. ապրիլի 25-ին Մոսկվայում կանցկացվի Սոցիալական գովազդի LIME 5-րդ միջազգային փառատոնը։

Փառատոնին մասնակցում են ԱՊՀ-ի, Եվրոպայի, ԱՄՆ-ի ներկայացուցիչները:

Վերջին 2 տարիներին միջազգային ժյուրիի կազմում Հայաստանը ներկայացնում է «Արտ Սայթ» ստուդիայի տնօրեն Արզուման Հարությունյանը:

Փառատոնին Հայաստանը սկսել է մասնակցել 2011-ից: Հիմնական մասնակիցները Հայաստանում սոցիալական գովազդի միակ պրոֆեսիոնալ «Արտ Սայթ» ստուդիայի ներկայացուցիչներն են եւ Սլավոնական համալսարանի գովազդի ֆակուլտետի ուսանողները: Հայ մասնակիցները փառատոնում ունեցել մի շարք հաջողություններ, որոնցից հատկանշական է Ընդդեմ ՁԻԱՀ-ի անվանակարգում առաջին մրցանակ շահած «Դոմինոյի սկզբունքը» հոլովակը

(https://www.youtube.com/watch?v=bh24muX6_a4), որի հեղինակը Արզուման Հարությունյանն է:

Այս տարի եւս Հայաստանից փառատոնին կներկայացվի 5 աշխատանք, որոնց հեղինակները Սլավոնական համալսարանն ավարտած եւ գովազդային տարբեր գործակալություններում աշխատող մասնագետներ են:

Փառատոնի անվանակարգերն են՝

-         Հեռուստա- եւ ռադիոգովազդ,

-         Տպագիր եւ արտաքին գովազդ,

-         Ինտեգրված քարոզարշավ (ինտերնետ գովազդ, կայքեր, բաներներ, խաղեր եւ ծրագրեր, գովազդային արշավներ սոցիալական ցանցերում),

-         Միջոցառումներ եւ BTL ծառայություններ:

Փառատոնին մասնակցությունն անվճար է: Ցանկացողները կարող են գրանցվել այստեղ http://limefestival.ru/: Գրանցման վերջնաժամկետը 2015թ. ապրիլի 10-ն է:

Մանրամասները՝ հետեւյալ հղումներով՝

http://limefestival.ru/about/ 

http://www.facebook.com/limefest