Հայտնի է Երեւանի միջազգային բիենալեի ծրագիրը

Հոկտեմբերի 16-ից 18-ը Հայաստանում տեղի կունենա Երեւանի միջազգային կոմունիկացիաների բիենալե, որի նպատակն է կապ հաստատել աշխարհի երկրների գովազդային ընկերությունների միջեւ, ինչպես նաև փորձի ու գիտելիքների փոխանակում անել:

Բիենալեն նվիրված է Արցախին, այդ իսկ պատճառով միջոցառումից հետո աշխարհի տարբեր երկրներից հրավիրված մարքեթինգի, բրենդի, դիզայնի միջազգային կարգի մասնագետները կայցելեն Արցախ: Ծրագրված է նաեւ, որ տարբեր երկրներից ժամանած հյուրերը շրջելու են Հայաստանով, իրենց ձեռքով տոլմա ու խորոված են պատրաստելու, խաղող են ճզմելու:

Բիենալեի հիմնական անվանակարգերն են` հեռուստատեսային եւ տեսագովազդ, տպագիր եւ արտաքին գովազդ, թվային եւ նոր մեդիա, Ռադիո գովազդ, գրաֆիկ դիզայն, մարքեթինգային արշավներ, PR արշավներ, գիրք, սոցիալական գովազդ: Միջոցառման շրջանակներում հայաստանցի մասնագետները նաեւ վարպետաց դասեր կառնեն միջազգային կարգի մասնագետներից:

Ձեզ ենք ներկայացնում բիենալեի օրերի համար նախատեսված ծրագրերը: Հոկտեմբերի 16-ին իրենց ելույթներով հանդես կգան Անտոն Մելնիկովը, Իվան Դուբինսկին, Օլգա Բարսկայան, Յուրի Մոթրիչը, Դենիս Շլեսբերգը եւ Իլյա Լազուչենկովը: Հոկտեմբերի 17-ի համար նախատեսված են հետեւյալ ելույթները` Ֆլորիան Էնդրյուս, Վիտա Գայսմա, Մասիեջ Լիսովսկի: Բիենալեի ելույթները հոկտեմբերի 18-ին կեզրափակեն Լաուրի Տիկերպը, Կաան Էրթուզն ու Բոստյան Նապոլնիկը:

Ստորեւ ներկայացնում ենք Երեւանի միջազգային կոմունիկացիաների բիենալեի ժյուրիի անդամների անունները`

Ֆլորիան Էնդրյուս - (Գերմանիա)

Դենիս Շլեսբերգ – (Ռուսաստան)

Վիտա Գայսմա – (Լատվիա)

Վազկեն Քալայջյան - (ԱՄՆ)

Ալյոնա Ուստինովիչ – (Բելառուս)

Կաան Էրթուզ – (Թուրքիա)

Անտոն Մելնիկով – (Ռուսաստան)

Դմիտրո Ֆեդորենկո – (Ուկրաինա)

Իլյա Լազուչենկով – (Ռուսաստան)

Մասիեջ Լիսովսկի – (Լեհաստան)

Յուրի Մոտրիչ – (Ուկրաինա)

Օլգա Օլեյնիկ – (Բելառուս)

Լաուրի Տիկերպ – (Էստոնիա)

Օլգա Բարսկայա – (Ռուսաստան)

Բեկա Մեպարիշվիլի – (Վրաստան)

Իվան Դուբինսկի – (Ուկրաինա)

Ինդրեք Վիդերֆելդ – (Էստոնիա)

Վաչե Կեւերյան – (Արաբական Միացյալ Էմիրություններ)

Դավիթ Շիմշիլաշվիլի – (Վրաստան)

Կիերան Օսուլիվան – (Մերձավոր Արեւելք եւ Աֆրիկա)

Բոստյան Նապոլնիկ – (Սլովենիա)

Ալեքսանդր Սելեմնյով – (Ուզբեկիստան)

Հղղումներ՝

http://festival.am/program/?lang=en 

http://festival.am/the-jury/?lang=en